Türkmen döwlet bedenterbiýe we sport institutynyň Köpugurly sport toplumynda Talyp ýaşlaryň arasynda sportuň kiçi futbol görnüşi boýunça «Talyp sport» klubunyň kubogyny almak ugrunda ýaryş geçirildi. Onda işjeň çykyş eden eden «Olimp-4» topary ýeňiş gazandy.

     Ýurdumyzda şeýle bäsleşikleriň, kubok ýaryşlarynyň, açyk birinjilikleriň geçirilip durulmagy talyp ýaşlaryň arasynda sagdyn durmuş ýörelgelerine uýmakda, köpçülikleýin bedenterbiýä we sporta ugrukmakda möhüm çäreler bolup durýar. Şu gezekki geçirilen kubok ýaryşyna talyp ýaşlaryň arasyndan ýygyndy toparlara girmeýän sport türgenleriniň işjeň gatnaşandygyny bellemelidir. Bu hili höwesjeňler oýunlary talyp ýaşlaryň arasyndan ýurdumyzyň sport abraýyny gorap çykyş edýän ezber türgenleriň sanyny artdyrmakda möhüm ähmiýete eýedir.