12 ― 17-nji aprel aralygynda Daşkent şäherinde geçirilen suwda ýüzmek boýunça Özbegistanyň açyk çempionatynda biziň ýurdumyza talyp türgen gyz, Sportuň Olimpiýa görnüşleri fakultetiniň talyby Darýa Semýonowa hem wekilçilik etdi. Bu barada Türkmenistanyň Sport we ýaşlar syýasaty ministrliginiň resmi saýty habar berýär.

Talyp türgenimiz ýaryşda medallaryň ikisini gazandy. 200 metr aralyga arkanlygyna ýüzmek boýunça geçirilen ýaryşa ýeke-täk türgen bolup gatnaşan Darýa Semýonowa bu aralygy 2 minut 28,84 sekuntda geçip, altyn medalyň eýesi boldy. Şu aralyga brass usulynda ýüzüşde bolsa ol hindistanly Arore Çahatdan yza galdy. Diňe iki türgeniň gatnaşmagynda geçirilen ýaryşda 18 ýaşly ildeşimiz 1 minut 17,67 sekuntlyk netije görkezdi. Bu netije bilen ol kümüş medala mynasyp boldy.

Özbegistanyň açyk çempionatynda gazanylan netije talyp türgen gyza Olimpiýa oýunlaryna hem-de Abu-Dabide we Fukukoda geçiriljek ýaryşlar üçin möhüm utuklary gazandyrdy.

Çeşme: https://msy.gov.tm/